घातक बन्दै जापानीज इन्सेफलाइटिस, पछिल्लो ५ वर्षमा नेपालमा ११४ जनाले गुमाए ज्यान

काठमाडौं- नेपालमा जापानीज इन्सेफलाइटिस (जेई) संक्रमणबाट यस वर्ष ज्यान गुमाउनेको संख्या २१ पुगेको छ।

पछिल्लो तथ्यांकअनुसार ८० जनामा पुष्टि भएका केसहरूमध्ये ५१ जना अर्थात् ६४ प्रतिशत १५ वर्षभन्दा माथिका छन्। जेईका कारण भएका मृत्युमध्ये ५० वर्षभन्दा माथिका व्यक्तिको हिस्सा ५१ प्रतिशत रहेको छ। हालसम्म पुष्टि भएका ८० केसहरूमा पुरुष ४३ र महिला ३७ जना रहेका छन्।