सिंगापुरमा नेपाली डाक्टर मनिष थापालाई ‘बेस्ट वायर्स वैज्ञानिक पोस्टर’ अवार्ड

७ भदौ, काठमाडौं । नेपाली इन्टरभेन्सनल रेडियोलोजिस्ट डा. मनिष थापाले सिंगापुरमा ‘उत्कृष्ट वायर्स वैज्ञानिक पोस्टर’ अवार्ड जितेका छन् । त्यहाँ आयोजित अन्तर्राष्ट्रिय रेडियोलोजी सम्मेलनमा उनले उक्त अवार्ड प्राप्त गरेका हुन् ।

सिंगापुरमा अगस्ट २० देखि २३ सम्म आयोजित अन्तर्राष्ट्रिय रेडियोलोजी सम्मेलनमा विश्वभरबाट ९00 भन्दा बढी वैज्ञानिक अनुसन्धान प्रस्तुत भएका थिए । सो मध्ये डा. थापाको अनुसन्धान ‘उत्कृष्ट वैज्ञानिक पोस्टर’ का रूपमा छनोट भएको हो ।