शंखमुलको होस्टेलमा चक्कु प्रहार गरी युवकको हत्या, सञ्चालकसहित तीन पक्राउ

शंखमुलस्थित भ्याली ब्वाइज होस्टेलमा धारिलो हतियार प्रहार गरी एक युवकको हत्या गरेको आरोपमा प्रहरीले होस्टेल सञ्चालकसहित तीन जनालाई पक्राउ गरेको छ।

काठमाडौं महानगरपालिका–१० शंखमुलस्थित होस्टेलको कोठा नम्बर १०९ मा बस्दै आएका २२ वर्षीय वसन्त कालाथोकीमाथि शुक्रबार बिहान करिब १०:१० बजे चक्कु प्रहार भएको थियो।