वडा पुग्न नसक्ने नागरिकलाई राजधानीमै पुगेर भत्ताकार्ड नवीकरण

दोलखा – स्थानीय सरकार नागरिकको सबैभन्दा नजिकको सरकार हो । यही अवधारणालाई व्यवहारमा उतार्दै दोलखाको वैतेश्वर गाउँपालिकाका विभिन्न वडाका जनप्रतिनिधि र कर्मचारी वडा कार्यालयको सेवा नै झोलामा बोकेर काठमाडौं पुगेका छन् ।

गाउँघर छाडेर काठमाडौंमा बसोबास गर्दै आएका तथा गाउँ फर्किएर वडा कार्यालयबाट सेवा लिन नसक्ने नागरिकलाई लक्षित गरी वडाहरूले राजधानीमा घुम्ती शिविर सञ्चालन गरेका हुन् ।