गगनको बेवास्ताले दबाबमा देउवा, पार्टी फुटाउनेसम्मको तयारीमा दोस्रो तहका नेता

काठमाडौं- नेपाली कांग्रेसका पूर्वसभापति शेरबहादुर देउवाले चुनदेवीमा बसेर पार्टीभित्र समानान्तर सक्रियता बढाउन थालेका छन्। पाँच महिना विदेश बसेर साउन २८ गते फर्किएका देउवा अहिले आफूनिकट नेताहरूसँग भेटघाट, संवाद र छलफलमा व्यस्त छन्।

कांग्रेसले १५औँ महाधिवेशनका गतिविधि अघि बढाएसँगै देउवामाथि दबाब पनि बढेको छ। देउवाले आफ्नो सम्पर्क कार्यालयमा सभापतिकै हैसियतमा बसेर नेता र कार्यकर्तासँग छलफल गरिरहेका छन्। आइतबार पनि उनले थुप्रै नेता तथा कार्यकर्ताहरूसँग भेटघाट गरे। अनुहारमा निराशा देखिए पनि उनी बलियो हुने प्रयासमा छन् ।