७५ जिल्लामा हुलाकमार्फत सरकारी सेवा घरदैलोमा, ५ हजारभन्दा बढी राहदानी घरमै वितरण

काठमाडौँ- सरकारले हुलाक सेवालाई सरकारी कुरियर सेवाका रूपमा विकास गर्ने अभियानअन्तर्गत ७५ जिल्लामा विभिन्न सरकारी कागजात तथा सेवा नागरिकको घरदैलोमा पुर्‍याउन थालेको छ।

शासकीय सुधारसम्बन्धी १०० कार्यसूचीअन्तर्गत समावेश गरिएको यस कार्यक्रममार्फत राहदानी, सवारी चालक अनुमतिपत्र, शैक्षिक प्रमाणपत्र, नेपाल टेलिकमको सिमकार्डलगायतका सरकारी कागजात घरमै पुर्‍याउने तथा स्वास्थ्य परीक्षणका नमुना सुरक्षित रूपमा प्रयोगशालासम्म ढुवानी गर्ने व्यवस्था अघि बढाइएको हो।