प्रहरी अस्पतालको एमआरआई साढे २ वर्षदेखि थन्कियो, बिरामी निजीमा धाउन बाध्य

काठमाडौं । नेपाल प्रहरी अस्पतालमा साढे दुई वर्षदेखि एमआरआई मेसिन बिग्रिएर थन्किँदा सेवाग्राही समस्यामा परेका छन् ।

आफ्ना कर्मचारी तथा तिनका परिवारको उपचारका लागि सञ्चालन गरिएको अस्पतालमै एमआरआई सेवा बन्द हुँदा उपचारका लागि आउने बिरामी बाहिर जान बाध्य भएका छन् । साढे दुई वर्षदेखि बिग्रिएको मेसिन मर्मत नगर्दा बिरामीले सास्ती खेप्नुपरेको हो ।