भोटेकोशी र त्रिशुली नदीमा बाढीको ‘उच्च जोखिम’ कायमै

काठमाडौँ । बाढी पूर्वानुमान महाशाखाले रसुवा र नुवाकोट जिल्ला भई बहने भोटेकोशी, त्रिशुली तथा स-साना नदीहरुमा आकस्मिक बाढीको ‘उच्च सम्भावना’ रहेको जनाएको छ। महाशाखाले आज बिहान प्रकाशित गरेको बाढी पूर्वानुमान बुलेटिन अनुसार यी दुई जिल्लामा बाढीको उच्च जोखिम देखिएको हो।

यसैगरी देशका अन्य तीन दर्जनभन्दा बढी जिल्लाका स-साना नदीमा पनि बाढीको मध्यम जोखिम रहेको विवरण सार्वजनिक भएको छ। गत भदौ १० गते रसुवाको भोटेकोशीमा आएको बाढीपछि हाल भोटेकोशी र त्रिशुली नदीको बहाव सतर्कता तहभन्दा तलै छ।