पाकिस्तानी सेना प्रमुख मुनीर तेहरान जाने

पाकिस्तानी सेनाका प्रमुख फिल्ड मार्शल आसिम मुनीरले सोमबार (आज) तेहरानको भ्रमण गर्ने भएका छन्।

इरानको विदेश मन्त्रालयका प्रवक्ता इस्माइल बकाईका अनुसार यो भ्रमणको उद्देश्य इरान र पाकिस्तानबिचको द्विपक्षीय सहयोगलाई सुदृढ पार्नु र क्षेत्रमा शान्ति तथा सुरक्षाको समर्थनमा पाकिस्तानको राम्रो कार्यलाई निरन्तरता दिनु रहेको छ। भ्रमणको क्रममा मुनीरले इरानका वरिष्ठ अधिकारीहरूसँग भेटघाट र वार्ता गर्नेछन्। इरानको अर्थतन्त्रमा थप दबाब दिन सक्ने अमेरिकी प्रतिबन्धहरूको योजना र त्यसप्रति इरानले सैन्य प्रतिक्रिया दिने चेतावनी दिएर तनाव बढेको बेला यो भ्रमण हुन लागेको हो।