कोशीका मुख्यमन्त्री हिक्मत कार्कीले तेस्रो पल्ट विश्वास मत लिँदै, के पाउँलान्?

काठमाडौँ- कोशी प्रदेशका मुख्यमन्त्री हिक्मतकुमार कार्कीले आज (सोमबार) प्रदेशसभाबाट विश्वासको मत लिँदैछन्। मुख्यमन्त्री कार्यालयले शुक्रबार नै यसबारे कोशी प्रदेश सभा सचिवालयलाई औपचारिक जानकारी गराएको छ।

नयाँ सत्ता समीकरण अनुसार नेकपा एमाले र नेपाली कम्युनिस्ट पार्टीबीच भएको सहमतिअनुसार मुख्यमन्त्री कार्कीले गत सोमबार मन्त्रिपरिषद् हेरफेर गरेका थिए। यसअघि नेपाली कांग्रेसले सरकारलाई दिएको समर्थन फिर्ता नलिएसम्म विश्वासको मत नलिने अडानमा रहेका कार्कीले, १७ जना सांसदसहित नेपाली कम्युनिस्ट पार्टी सरकारमा सहभागी भएसँगै विश्वासको मत लिने तयारी गरेका हुन्।