होस्टेललाई २१ बुँदे कडा निर्देशन

काठमाडौं । काठमाडौंको शंखमुलस्थित भ्याली ब्वाईज होस्टलमा गत शुक्रवार साथीहरुको कुटपिटबाट २२ वर्षीय वसन्त कालाथोकी मृत भेटिएपछि निजी छात्रावासको अवस्थाबारे चिन्ता र चासो बढेको छ । बालकुमारीस्थित न्यु फेमिली गल्र्स होस्टेलमा खानामा किरा भेटिएपछि होस्टेललाई जनाकारी गराउँदा उल्टै छात्रालाई संचालकले धम्की दिए ।

न्यूनतम पूर्वाधारको अभाव, अमानवीय व्यवहार, अस्वस्थकर खाना र सुरक्षाको कमजोरीबारे उजुरी बढ्न थालेको निष्कर्ष निकाल्दै जिल्ला प्रशासन कार्यालय काठमाडौँले निजी क्षेत्रबाट सञ्चालित छात्रवासलाई व्यवस्थित, सुरक्षित र मर्यादित बनाउन २१ बुँदे कडा निर्देशन जारी गरेको छ ।