विद्यार्थीको व्यक्तिगत विवरण अनधिकृत रूपमा नदिन निर्देशन

काठमाडौँ- शिक्षा तथा मानव स्रोत विकास केन्द्रले विद्यालयहरूलाई विद्यार्थीहरूको व्यक्तिगत सूचना अनधिकृत व्यक्ति वा संस्थालाई उपलब्ध नगराउन निर्देशन दिएको छ।

केन्द्रका निर्देशक निलकण्ठ ढकालद्वारा जारी पत्रमा विद्यार्थीको नाम, थर, जन्ममिति, सम्पर्क नम्बर, इमेल लगायतका व्यक्तिगत विवरणहरू अभिभावकको स्वीकृतिविना बाह्य व्यक्ति वा संस्थालाई उपलब्ध गराइएका कारण विद्यार्थीहरू मानसिक दबाबमा परेको भन्दै विभिन्न उजुरी तथा गुनासाहरू प्राप्त भएको उल्लेख गरिएको छ।