डा. बाबुराम भट्टराईको चरित्रहत्या गर्ने प्रयास भएको भन्दै कारबाहीको माग

काठमाडौँ । पछिल्लो समय केही स्वार्थप्रेरित व्यक्ति तथा समूहले राजनीतिक स्वार्थ पूरा गर्ने उद्देश्यले पूर्वप्रधानमन्त्री डा. बाबुराम भट्टराईलाई हिन्दुविरोधीका रूपमा चित्रित गर्ने प्रयास गरिरहेको भन्दै उनको सचिवालयले गम्भीर ध्यानाकर्षण भएको जनाएको छ।

पुराना भिडियो तथा अभिव्यक्तिहरू तोडमरोड गर्ने, भ्रामक तस्बिर र पोस्टर बनाएर सामाजिक सञ्जालमा प्रचार गर्ने तथा धार्मिक घृणा फैलाउने गतिविधि भइरहेकोप्रति सचिवालयले आपत्ति जनाएको हो।