दुई दशकपछि राहुघाट जलविद्युत् आयोजना तयार

म्याग्दी । म्याग्दीमा निर्माणाधीन ४० मेगावाट क्षमताको राहुघाट जलविद्युत् आयोजना निर्माण सम्पन्न भएको छ। आयोजनाले अब विद्युत् उत्पादन परीक्षणको अन्तिम चरण अघि बढाएको छ।

नेपाल विद्युत् प्राधिकरणको सहायक कम्पनी रघुगङ्गा हाइड्रोपावर प्रवर्द्धक रहेको आयोजनामा बाँध, डिसेन्डर, मुख्य सुरुङ, विद्युत्गृह, स्विचयार्डलगायतका संरचना निर्माण तथा उपकरण जडानको काम पूरा भएको हो।