मलेसियाद्वारा २५ म्यानपावरलाई मात्रै स्वीकृति

काठमाडौं : मलेसियाले नेपालबाट २५ वटा कम्पनीलाई मात्र कामदार पठाउन पाउने निर्णय गरेपछि म्यानपावर व्यवसायी आन्दोलित भएका छन्। मलेसियाले २५ वटा कम्पनी सूचीकृत गर्दै उनीहरूलाई मात्र नेपाली कामदार पठाउन दिने निर्णय गरेको हो। नेपाली कामदार मलेसिया पठाउन सिन्डिकेट लागू गर्ने प्रयास भइरहेको बेला मलेसियाको मानव संसाधन मन्त्रालयले शनिबार श्रमिक भर्नाका लागि नेपालबाट २५ वटा वैदेशिक रोजगार व्यवसायी संस्था ‘फरेन वर्कर सेन्ट्रलाइज्ड म्यानेजम्यानट सिस्टम’ (एफडब्लूसीएमएस) मा सूचीकृत गरेको हो।

मलेसियाको मानव संसाधन मन्त्रालयले २०२६ अगस्ट २२ अर्थात् शनिबारदेखि नयाँ व्यवस्था कार्यान्वयनमा ल्याएको जनाएको छ। त्यस्तै अब सोही प्रणालीअनुसार सूचीकृत म्यानपावर कम्पनीमार्फत मात्रै नेपाली श्रमिकहरू भर्ना गर्न पाउनेछन्। मलेसियाली मानव संसाधान मन्त्रालयले रोजगारदाताले एफडब्लूसीएमएसमा सूचीकृत नभएका अन्य म्यानपावर कम्पनीमार्फत विदेशी श्रमिक भर्ना गर्न नपाउने स्पष्ट पारेको छ।