रूसले थप तीन लाख सैनिक परिचालन गर्न सक्छ : जेलेन्स्की

युक्रेनी राष्ट्रपति भोलोदिमिर जेलेन्स्कीले रूसले यस वर्षको अन्त्यसम्म थप तीन लाख सैनिक परिचालन गर्न सक्ने दाबी गरेका छन्।

पूर्वी युक्रेनको डोनेट्स्क क्षेत्र कब्जा गर्ने प्रयासलाई तीव्रता दिन रूसले ठुलो संख्यामा सेना थप्ने उनको भनाइ छ। जेलेन्स्कीले रूसले ठुलो संख्यामा सैनिक गुमाए पनि युक्रेनी भूभाग कब्जा गर्ने प्रयास जारी राख्ने बताए। उनका अनुसार यस वर्षको सुरुदेखि रूसले दुई लाख ६७ हजार सैनिक गुमाएको छ। तीमध्ये करिब एक लाख ५५ हजार मारिएका हुन्।