देवराज तामाङ: जसले सडक मात्र पुरेनन्, भरोसा पनि जगाए

सुन्दरहरैँचा(मोरङ) । सडकमा खाल्डाखुल्डी हुनु सामान्य लाग्न सक्छ, तर मोरङको सुन्दरहरैँचास्थित पुलचोकका बासिन्दाका लागि ती साधारण खाल्डा थिएनन्, हरेक दिन कसै न कसैको रगत बगाउने र जीवन जोखिममा पार्ने ‘मृत्युफन्दा’ बनिसकेका थिए।

सुन्दरहरैँचा नगरपालिका वडा नम्बर ९ र १२ को सिमानामा पर्ने विराटचोक नजिकैको पुलचोक र बाह्रबिके सिसौघारी सडक खण्डमा दैनिकजसो तड्पिएका घाइतेहरूको चित्कार सुनिन्थ्यो। तर, यो दर्दनाक दृश्यले न स्थानीय सरकारको मन पग्लियो, न त सम्बन्धित निकायको आँखा खुल्यो।