विज्ञान प्रविधि क्षेत्रमा नयाँ नियमावलीको तयारी, मन्त्रालयद्वारा सुझाव माग

काठमाडौं । विज्ञान, प्रविधि तथा नवप्रवर्तन मन्त्रालयले ‘विज्ञान, प्रविधि तथा नवप्रवर्तन नियमावली, २०८३’ को मस्यौदा सार्वजनिक गर्दै सरोकारवालाबाट सुझाव मागेको छ । विज्ञान, प्रविधि तथा नवप्रवर्तन मन्त्री महावीर पुनले सामाजिक सञ्जालमार्फत नियमावलीको मस्यौदा सार्वजनिक गरेका हुन् ।

उनले नियमावलीलाई थप प्रभावकारी बनाउन इच्छुक व्यक्ति, संस्था तथा सरोकारवालालाई आफ्ना सुझाव पठाउन आग्रह गरेका छन् । मन्त्रालयका अनुसार सुझाव आगामी सोमबारसम्म [email protected] मा इमेलमार्फत पठाउन सकिनेछ । प्राप्त सुझावमध्ये उपयोगी तथा रचनात्मक सुझावलाई नियमावलीको अन्तिम मस्यौदामा समेटिने मन्त्री पुनले बताएका छन् ।