१५ सय मिटरको दौडमा ह्युमानोइड रोबोटले जित्यो स्वर्ण पदक

काठमाडौं । चीनको बेइजिङमा आयोजित दोस्रो विश्व ह्युमानोइड रोबोट खेलकुद प्रतियोगितामा टिम तियानझुओको ह्युमानोइड रोबोटले १,५०० मिटर दौडको स्वर्ण पदक जितेको छ ।

आइतबार सम्पन्न दौडमा तियानझुओको रोबोटले १,५०० मिटर दूरी २ मिनेट २१ दशमलव ६३ सेकेन्डमा पूरा गर्दै पहिलो स्थान हासिल गरेको हो । प्रतियोगितामा सहभागि रोबोटहरूले तीव्र गतिमा दौड सुरु गरेका थिए । घुम्तीमा सन्तुलन कायम राख्दै उनीहरूले शरीरको भार केन्द्रलाई आवश्यकताअनुसार भित्रतर्फ सार्दै सहज रूपमा दौड पूरा गरेका थिए । तीव्र गति र चुस्तताका कारण तियानझुओको रोबोटले अन्तिममा बाजी मारेको हो ।