निर्मल पूर्जाको अन्त्येष्टिमा सहभागी हुन सांसद रानामगर बेलायत प्रस्थान

राष्ट्रिय स्वतन्त्र पार्टी (रास्वपा) की सांसद इन्दिरा रानामगर पर्वतारोही निर्मल पूर्जा (निम्सदाइ) को अन्त्येष्टिमा सहभागी हुन सोमबार बेलायत प्रस्थान गरेकी छन्।

पाकिस्तानस्थित ब्रोड पिक हिमाल आरोहणका क्रममा हिमपहिरोमा परी निधन भएका पूर्वगोर्खा सैनिक पूर्जाको अन्त्येष्टि २६ अगस्टमा दक्षिण पश्चिम इंग्ल्याण्डको ब्लान्डफोर्ड फोरमस्थित मिल्टन एबीमा हुने तय भएको छ। बेलायतको नागरिकता लिएका पूर्जाको अन्त्येष्टि बेलायतमै हुन लागेको हो। पूर्जाको अन्त्येष्टिमा सहभागी हुन सांसद डेभिड मिङ्मा शेर्पा पनि सोमबारै बेलायत जाने बताइएको छ।