'वीर गणेशमान' भदौ १४ देखि सर्वनाम थिएटरमा

ऐतिहासिक नाटक 'वीर गणेशमान' यही भदौ १४ गतेदेखि असोज १४ गतेसम्म काठमाडौंको कालिकास्थानस्थित सर्वनाम थिएटरमा मञ्चन हुने भएको छ।

गणेशमान फाउन्डेसनको आयोजना तथा सर्वनामको प्रस्तुतिमा नाटक मञ्चन हुन लागेको हो। नेपाली प्रजातान्त्रिक आन्दोलनका शिखर व्यक्तित्व गणेशमान सिंहको जीवन, संघर्ष, त्याग, साहस र निष्ठामा आधारित यस नाटकलाई वरिष्ठ रंगकर्मी अशेष मल्लले परिकल्पना, नाट्य रूपान्तरण तथा निर्देशन गरेका छन्।