मायादेवीमा १२ करोड लगानीमा भारद्वाज तेल उद्योग सञ्चालन, ८० जनालाई रोजगारी

काठमाडौं– मायादेवी गाउँपालिका–५ सिहोरहवामा करिब १२ करोड रुपैयाँको लगानीमा भारद्वाज तेल उद्योग सञ्चालनमा आएको छ । स्थानीयस्तरमै रोजगारी सिर्जना गर्ने उद्देश्यले स्थापना गरिएको उद्योगले राइस ब्रान अर्थात् धानको भुसबाट उत्पादन हुने खाने तेलको उत्पादन सुरु गरेको हो ।

उद्योगका प्रबन्धक ओमशङ्कर उपाध्यायका अनुसार उद्योगमा हाल ८० जनाले रोजगारी पाएका छन्। उद्योगले वार्षिक चार हजार ५०० मेट्रिक टन तेल उत्पादन गर्ने लक्ष्य राखेको छ ।