अनलाइनको युगमा ओपीडी टिकटका लागि लाइनमै संघर्ष, सिभिल अस्पतालमा कहिले हुन्छ डिजिटल सुधार ?

काठमाडौं । नयाँ बानेश्वरस्थित निजामती कर्मचारी अस्पताल (सिभिल अस्पताल) मा उपचारका लागि पुग्ने बिरामीले ओपीडी टिकट लिनै घण्टौँ समय खर्चिनुपर्ने अवस्था देखिएको छ । अस्पताल खुल्ने समय नजिकिँदै गर्दा परिसरमा बिरामी तथा उनीहरूका आफन्तको भीड बढ्ने गरेको छ ।

बिहान करिब ५ बजेदेखि नै टिकट लिन अस्पताल पुग्नेहरूको संख्या उल्लेख्य हुने गरेको छ । उपचारका लागि टाढा टाढाबाट आउने कतिपय बिरामीले सेवा लिनुअघि नै लामो समय लाइनमा बिताउनुपर्ने बाध्यता रहेको गुनासो गरेका छन् ।