गिनीमा फोहोरको थुप्रो खस्दा ३० जनाको मृत्यु

८ भदौ, काठमाडौं । गिनीको राजधानी कोनाक्रीमा भारी वर्षापछि फोहोरको थुप्रो खसेर नजिकैका घरहरू पुरिँदा ३० जनाको मृत्यु भएको छ। घटनामा २२ जना घाइते भएका छन्। घाइतेमध्ये ६जनाको अवस्था गम्भीर छ।

यो दुर्घटना शहरको डार-एस-सलाम क्षेत्रमा स्थानीय समय अनुसार राति करिब दुई बजे भएको हो। गिनी सरकारका अनुसार भारी वर्षापछि फोहोरको ठूलो थुप्रो अचानक ढलेको थियो। मलबेमा अझै धेरै मानिसहरू पुरिएको आशंका गरिएको छ।