साउनमै २० वाणिज्य बैंकको निक्षेप २१ अर्बले घट्यो, कुन बैंकको कति ?

काठमाडौं– चालु आर्थिक वर्ष २०८३/८४ को पहिलो महिनामै वाणिज्य बैंकहरूको निक्षेप संकलन घटेको छ । असार मसान्तको तुलनामा साउन मसान्तसम्म २० वाणिज्य बैंकको कुल निक्षेप २१ अर्ब ६३ करोड रुपैयाँले घटेको हो ।

साउन मसान्तसम्म २० वाणिज्य बैंकले कुल ७४ खर्ब ७६ अर्ब ५८ करोड रुपैयाँ निक्षेप संकलन गरेका छन् । असार मसान्तमा भने यी बैंकहरूको कुल निक्षेप ७४ खर्ब ९८ अर्ब २१ करोड रुपैयाँ थियो । यसअनुसार एक महिनाको अवधिमा बैंकहरूको कुल निक्षेप ०।२९ प्रतिशतले घटेको देखिन्छ ।