बर्नह्यामको पहिलो अन्तर्राष्ट्रिय भ्रमण युक्रेनमा

एजेन्सी- बेलायतका प्रधानमन्त्री एन्डी बर्नह्यामले युक्रेनको ३५औँ स्वतन्त्रता दिवसका अवसरमा सोमबार किएभ भ्रमण गर्ने भएका छन्। प्रधानमन्त्री बनेपछि बर्नह्यामको यो पहिलो अन्तर्राष्ट्रिय भ्रमण हो।

भ्रमणका क्रममा उनले रुसविरुद्धको युद्धमा युक्रेनलाई बेलायतको निरन्तर समर्थन रहने प्रतिबद्धता व्यक्त गर्नेछन्। बेलायती प्रधानमन्त्रीको कार्यालय डाउनिङ स्ट्रिटका अनुसार बर्नह्यामले युक्रेनलाई सहयोग गर्ने देशहरूको समूह ‘कोएलिसन अफ द विलिङ’ को पहिलो बैठकको किएभमा सहअध्यक्षता गर्नेछन्। बैठकमा केही सहभागी प्रत्यक्ष र केही भिडियोमार्फत सहभागी हुनेछन्।