गरिमा चौधरी प्रकरणमा आरोपितको बयान भिडियो सार्वजनिक गर्ने प्रहरी पक्राउ

काठमाडौं । बाराकी तीन वर्षीया बालिका गरिमा चौधरीको बलात्कारपछि हत्या प्रकरणमा पक्राउ परेका किशोरको बयानको भिडियो खिचेर सार्वजनिक गरेको आरोपमा एक प्रहरी पक्राउ परेका छन्।

किशोरको बयान चलिरहेको समयमा बयान कक्षमै खिचिएको भिडियो सामाजिक सञ्जालमा भाइरल भएपछि प्रहरीले अनुसन्धान थालेको थियो। भिडियोमा किशोरले घटनाबारे दिएको बयान समावेश छ।