संसद्‌मा उठ्यो गाडी ब्याक गरेर ज्यान लिएको घटना

सवारी दुर्घटनापछि गाडी ब्याक गरेर फेरि ठक्कर दिँदा ज्यान गएको घटना संसदमा उठेको छ।

सोमबार नेकपा एमालेका सांसद ऐन महरले कैलालीमा भएको उक्त घटनाबारे उल्लेख गर्दै सार्वजनिक यातायातमा बढ्दो लापरबाही र गैरजिम्मेवारीप्रति सरकारको ध्यानाकर्षण गराएका हुन्। कैलालीको गोदावरी नगरपालिका-२ मा भएको घटनाबारे उनले जानकारी गराएका थिए। उनका अनुसार महाकाली यातायातको सुप प्र.२-००१ ख ९५६ नम्बरको गाडीले बझाङको मस्टा गाउँपालिका-६ की सिन्की बोहरालाई ठक्कर दिएको थियो।