त्यो मट्टितेलको लाइन, यो ग्यासको लाइन!

२०४० साल भदौको पहिलो हप्तामा रोल्पाबाट काठमाडौँ प्रवेश गरेपछि मलाई काठमाडौँ आफूले सोचेभन्दा धेरै फरक भएको पाएको थिएँ। सडकमा गाडीका ताँती, नागरिकहरूको आवतजावत, असन बजारमा उपभोक्ताहरूको चहलपहल आदि आदि देखेर छक्क परेको थिएँ।

त्यो सालमा पाटन ढोका छेउमा दुग्ध विकास संस्थानले बिक्री गर्ने एकै किसिमको दूध मात्र पाइन्थ्यो बोतलबन्दी। केही वर्षअघिदेखि भने संस्थानले तीन किसिमका दूध बजारमा ल्याएको छ। त्यो बेला दूधको बोतलको मुखमा सिलेबर कलरको कागजको हल्का सिल हुन्थ्यो।