उद्योगीको माग : डिमान्ड शुल्क र भ्याट हटाऊ, ५० मेगावाटसम्म विद्युत् खपत गर्छौँ

उद्योगी–व्यवसायीले विद्युत् महसुल घटाएर औद्योगिक उत्पादनको लागत कम गर्न सरकारसँग माग गरेका छन्। उनीहरूले उत्पादनमूलक उद्योगमा लाग्दै आएको डिमान्ड शुल्क हटाउनुपर्ने, विद्युत्मा लगाइएको मूल्य अभिवृद्धि कर (भ्याट) हटाउनुपर्ने तथा पर्याप्त विद्युत् उपलब्ध गराइए ५ देखि ५० मेगावाटसम्म खपत गर्न आफूहरू तयार रहेको बताएका छन्।

ऊर्जा, जलस्रोत तथा सिँचाइमन्त्री विराज भक्त श्रेष्ठसँग विराटनगरमा भएको छलफलमा मोरङ–सुनसरी क्षेत्रका उद्योगी–व्यवसायीले औद्योगिक क्षेत्रको प्रतिस्पर्धात्मक क्षमता बढाउन विद्युत् आपूर्ति र महसुल संरचनामा तत्काल सुधार आवश्यक रहेको बताएका हुन्।