आउट भएको झोँकमा श्रीलंकन बलरलाई टाउकोले हानेका जैसवाल आईसीसीको कारबाहीमा

कोलोम्बो । खेलको मर्यादा विपरीत आचारसंहिताको ‘लेभल १’ उलङ्घन गरेको पुष्टि भएपछि अन्तर्राष्ट्रिय क्रिकेट परिषद् (आईसीसी)ले भारतीय ब्याटर यजश्वी जैसवाललाई कारबाही गरेको छ । श्रीलंकाको कोलम्बोमा जारी दोस्रो टेस्ट म्याचको पहिलो दिन श्रीलंकन फास्ट बलर असिथा फर्नान्डो र जैसवालबीच मैदानमा घम्साघम्सी भएको थियो ।

खेलको क्रममा फर्नान्डोले जैसवाललाई आउट गरेपछि उनीहरुबीच मैदानमै भनाभन भएको थियो । उनीहरुबीचको नोकझोंक भनाभनमै सीमित भएन, आउट भएको झोंकमा जैसवालले फर्नान्डोलाई टाउकोले धक्का (हेडबट) दिएका थिए । क्रिकेटमा बलर र ब्याटरबीचको भनाभनलाई सामान्य रुपमा लिइए पनि आईसीसीले यस्ता शारीरिक धक्कालाई निकै नै गम्भीर रुपमा लिन्छ ।