समाजमा नैतिकता, आचरण र इमान्दारीताको बढी खाँचो छ : राष्ट्रपति पौडेल

८ भदौ, काठमाडौं । राष्ट्रपति रामचन्द्र पौडेलले हाम्रो समाजलाई प्रविधिभन्दा नैतिकता, आचरण र इमान्दारीताको अलिक बढी खाँचो भएको बताएका छन् ।

सोमबार नेपाल जनप्रशासन संघद्वारा आयोजित कार्यक्रमलाई सम्बोधन गर्दै राष्ट्रपति पौडेलले प्रविधि र क्षमता अरूबाट लिएर उपयोग गर्न सकिने, तर आचरण, नैतिकता र इमान्दारीता आफ्नै अन्तस्करणको विषय भएको बताएका हुन् ।