स्कुल बसले अटोलाई ठक्कर दिँदा दुई महिलाको मृत्यु, तीन घाइते

काठमाडौँ- उदयपुरको बेलका नगरपालिका-५ जहडामा सोमबार स्कुल बसले अटोलाई ठक्कर दिँदा दुई महिलाको मृत्यु भएको छ भने तीन जना घाइते भएका छन्।

मदनभण्डारी राजमार्गअन्तर्गत बेल्टार-चतरा सडकखण्डमा सुपाडेबाट लालबजारतर्फ आउँदै गरेको कोप्र ५-१ ह ०६१३ नम्बरको अटोलाई विपरीत दिशाबाट आइरहेको को १ ख ३५१६ नम्बरको सफल आदर्श इङ्लिस बोर्डिङ स्कुलको बसले ठक्कर दिएको जिल्ला प्रहरी कार्यालय उदयपुरले जनाएको छ।