गणेश नेपालीको निधनपछि पूर्वगृहमन्त्री अर्यालको चिन्ता : मुलुकलाई द्वन्द्व र अनिष्टको दुष्चक्रमा फसाउने गल्ती नहोस्

त्रिपुरेश्वरमा आत्मदाहको प्रयास गरेका गणेश नेपालीको उपचारका क्रममा ज्यान गएपछि पूर्वगृहमन्त्री ओमप्रकाश अर्यालले सरकारको कार्यशैलीप्रति असन्तुष्टि पोखेका छन्।

नेपालीको निधनप्रति दुःख व्यक्त गर्दै पूर्वगृहमन्त्री अर्यालले राज्य सञ्चालकहरूले नागरिकसँग सहकार्य गर्न नसकेको र द्वन्द्व बढाएको आरोप लगाएका छन्। सामाजिक सञ्जालमा लेख्दै उनले भनेका छन्, 'कानुनी राज्य कसरी सञ्चालन हुन्छ? सर्वप्रथमः सरकार सञ्चालनकर्ता स्वयंले बुझ्नु पर्छ, अनि नागरिकसँग सहकार्य गर्नु पर्दछ। आज पनि देशमा नागरिकहरूसँग सहकार्य होइन, प्रतिद्वन्द्विता बढाउने क्रम जारी छ। फेरि पनि मुलुकलाई द्वन्द्व र अनिष्टको दुष्चक्रमा फसाउने गल्ती नहोस्।'