कांग्रेस महाधिवेशन रोक्ने देउवा र खड्काको छुट्टाछुट्टै रिट अध्ययनकै क्रममा

काठमाडौं । सर्वोच्च अदालतका सहरजिस्ट्रार अर्जुनप्रसाद कोइरालाले कांग्रेस महाधिवेशनसँग सम्बन्धित दुईवटा रिट प्राप्त भएको बताएका छन् । ‘कांग्रेस महाधिवेशनसँग सम्बन्धित दुईवटा रिट आएको छ,’ उनले भने, ‘हामी अध्ययनकै क्रममा छौँ ।’ देउवा र खड्काले निर्वाचन समितिले सार्वजनिक गरेको कांग्रेस महाधिवेशन कार्यतालिका बदर गरी त्यसलाई कार्यान्वयनमा रोक लगाउन माग गरेका छन् ।

यसअघि पनि भदौ ५ गते देउवा पक्ष सर्वोच्च अदालत पुगेको थियो । तर, रिटमा केही विषय सच्याउनुपर्ने भएपछि त्यसलाई फिर्ता लगिएको थियो ।