गणेशको आत्मदाहले दबाबमा बालेन सरकार, सत्ता पक्षकै नेताले पोखे असन्तुष्टि

काठमाडौँ । त्रिपुरेश्वरस्थित राहदानी विभाग अगाडि पेट्रोल छर्केर आत्मदाह प्रयास गरेका गणेश नेपालीको मृत्यु भएको छ । मुगु जिल्लाको सोरु गाउँपालिका–१ का स्थायी बासिन्दा रहेका २५ वर्षीय नेपालीले बिहीबार आत्मदाहको प्रयास गरेका थिए ।

उक्त घटनाअघि काठमाडौँ महानगर प्रहरी बलका सदस्यसँग ‘ह्वील लक’ को विषयमा नेपालीको चर्को विवाद भएको थियो । विवादका बिच नेपालीले शरीरमा पेट्रोल छर्केर आत्मदाहको प्रयास गरेका थिए । उनको वीर अस्पतालको ‘बर्न आइसियु’मा उपचारको क्रममा शुक्रबार मृत्यु भएको हो ।