सुशासनको नाममा नागरिकलाई सास्ती नै सास्ती र सरकारलाई उन्मुक्ति हुनुहुँदैन, लक्षण राम्रो छैनः अर्याल

काठमाडौं । पूर्व–गृहमन्त्री ओमप्रकाश अर्यालले कानुनी राज्यको सफल सञ्चालनका लागि सरकार स्वयंले कानुनी शासनको मर्म बुझेर नागरिकसँग सहकार्य गर्नुपर्ने बताएका छन् ।

शुक्रबार सामाजिक सञ्जालमार्फत आफ्नो धारणा सार्वजनिक गर्दै अर्यालले अहिले पनि नागरिकसँग सहकार्य गर्नेभन्दा प्रतिद्वन्द्विता बढाउने प्रवृत्ति देखिएको उल्लेख गर्दै यस्तो प्रवृत्तिले मुलुकलाई पुनः द्वन्द्व र अनिष्टको दुष्चक्रतर्फ धकेल्न सक्ने भएकाले सरकार सचेत हुनुपर्ने बताए ।