दिल्लीमा सीजेपीले फेरि विरोध प्रदर्शन गर्ने, नीट पीडितका परिवार पनि सहभागी हुने

नयाँ दिल्ली । कक्रोच जनता पार्टी (सीजेपी) ले आगामी सेप्टेम्बर ५ तारिखमा दिल्लीमा विशाल विरोध मार्च निकाल्ने घोषणा गरेको छ ।

केन्द्र सरकारले गत जुलाई २५ मा युवाहरूसँग गरेका वाचाहरू पूरा नगरेको आरोप लगाउँदै पार्टीले पुनः आन्दोलनको बाटो रोजेको हो । यसअघि सरकारले गरेका तिनै बाचा र आश्वासनका आधारमा जन्तर(मन्तरमा भइरहेको प्रदर्शन स्थगित गरिएको सीजेपीले जनाएको छ । पार्टीका अनुसार उक्त विरोध मार्च इन्डिया गेटबाट सुरु भई नयाँ दिल्ली प्रहरी मुख्यालयसम्म पुग्नेछ । यस मार्चमा नीट परीक्षाको प्रश्नपत्र बाहिरिएपछि निराश भएर आत्महत्या गरेका विद्यार्थीका परिवारजनहरू पनि सहभागी हुनेछन् । यसअघि सीजेपीले जुलाई २० मा पनि जन्तर मन्तरदेखि संसद् भवनसम्म विरोध मार्च निकालेको थियो ।