कांग्रेसले महिला उद्यमी सम्मेलन गर्दै

नेपाली कांग्रेसले महिला आर्थिक सशक्तिकरण, उद्यमशीलता प्रवद्र्धन तथा नेपालको आर्थिक रूपान्तरणमा महिला उद्यमीको भूमिका थप प्रभावकारी बनाउने उद्देश्यले ‘महिला उद्यमशीलता सम्मेलन २०८३’ आयोजना गर्ने भएको छ ।

सोमबार पत्रकार सम्मेलनको आयोजनागरी नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानले आगामी भदौ ११ गते ललितपुरको सानेपास्थित नेपाली कांग्रेस केन्द्रीय कार्यालयमा एकदिने सम्मेलन आयोजना हुन लागेको जानकारी दिएको हो ।