रास्वपा सरकार बनेपछि बजार थप ध्वस्त, लगानीकर्तामा चरम निराशा र पलायन

काठमाडौँ । नेपालको पुँजीबजार (शेयर बजार) विगत केही वर्षयता लगातार मन्दी, अनिश्चितता र लगानीकर्ताको निराशाबाट गुजरिरहेको छ । विगतमा एमाले–काँग्रेस लगायतको सरकारले समेत यो निराशा चिर्न नसकी झनै नीतिगत अन्यौलको भुमरीमा बजार फस्यो । गत फागुनको निर्वाचनपछि राष्ट्रिय स्वतन्त्र पार्टी (रास्वपा) को नेतृत्वमा बन्ने स्थिर सरकार र चुनावी घोषणापत्र अनुसारका पुँजीबजारमैत्री नीति आउने अपेक्षामा लगानीकर्ताहरूले ठूलो आशा राखेका थिए । अर्थशास्त्रका विज्ञ डा. स्वर्णिम वाग्ले अर्थमन्त्री बनेपछि बजारले नयाँ गति लिने विश्वास गरिएको थियो । तर सरकार गठन भएको ५ महिना बितिसक्दा बजारमा चरम निराशा, विश्वासको संकट र पुँजी पलायनको स्थिति देखिएको छ । सरकार बनेयता पुँजीबजारमा करिब ६ खर्ब रुपैयाँ सम्पत्ति घटिसकेको छ भने अघिल्लो साउनको तुलनामा यस साउन महिनामा सरकारले पाउने पुँजीगत लाभकर समेत डेढ अर्बले घटेको छ । बैंकिङ प्रणालीमा पर्याप्त तरलता र इतिहासकै सस्तो ब्याजद हुँदाहुँदै पनि लगानीकर्ता र व्यवसायीमा लगानी गर्ने हिम्मत देखिएको छैन । यही चरम निराशा र अविश्वास अहिले नेता सांसदहरुले उठाइरहेका छन् ।

आफ्नै देश चिन्न नसकेका अर्थमन्त्री