जनता आवास कार्यक्रम: सातै प्रदेशमा गरी करिब ३९ हजार घर हस्तान्तरण

काठमाडौँ । महिला, बालबालिका, लैङ्गिक तथा यौनिक अल्पसंख्यक र सामाजिक सुरक्षा मन्त्री सीता वादीले विपन्न समुदायलाई लक्षित गरी लागु भएको जनता आवास कार्यक्रमअन्तर्गत हालसम्म कुल ३८ हजार ९ सय ३८ वटा आवास निर्माण सम्पन्न भई हस्तान्तरण भइसकेको जानकारी दिएकी छिन्।

राष्ट्रिय सभाको शुक्रवारको बैठकमा उनले हाल ८ हजार ३ सय ५९ वटा आवासहरू भने निर्माणाधीन अवस्थामा रहेको स्पष्ट पारिन्। उनका अनुसार जनता आवास कार्यक्रमअन्तर्गत हालसम्म कुल ५५ हजार ९ सय ७० वटा आवास स्वीकृत भएका छन्।