सांसद जगदिश खरेलले भने: गणेश नेपालीको आत्मदाह घटनाको निष्पक्ष छानबिन होस्

राष्ट्रिय स्वतन्त्र पार्टी (रास्वपा) का सांसद जगदिश खरेलले गणेश नेपालीको आत्मदाहपछि भएको मृत्युको घटनालाई सरकारले गम्भीर रूपमा लिएर निष्पक्ष छानबिन गर्नुपर्ने बताएका छन् ।

शुक्रबार बसेको प्रतिनिधि सभा बैठकमा बोल्दै सांसद खरेलले गणेश नेपालीको मृत्युले आफूहरूलाई स्तब्ध बनाएको भन्दै श्रद्धाञ्जली व्यक्त गरे । उनले पीडित परिवारप्रति समवेदना प्रकट गर्दै घटनाको गहिराइमा पुगेर सत्यतथ्य बाहिर ल्याउन सरकारसँग आग्रह गरे ।