नेपाल लाइफको ‘बिजनेस एक्सिलेन्स कन्फ्रेन्स’ सम्पन्न

काठमाडौँ। नेपाल लाइफ इन्स्योरेन्स कम्पनी लिमिटेडको दुईदिने ‘बिजनेस एक्सिलेन्स कन्फ्रेन्स’ सम्पन्न भएको छ। काठमाडौंस्थित होटल याक एन्ड यतीमा भदौ १ र २ गते ‘Lead, Aspire, Evolve’ नाराका साथ सम्मेलन आयोजना गरिएको हो।

सम्मेलनमा देशभरबाट सेल्स तथा मार्केटिङ क्षेत्रमा कार्यरत २५० भन्दा बढी कर्मचारीको सहभागिता रहेको थियो। कम्पनीका वरिष्ठ सञ्चालकद्वय कमलेश कुमार अग्रवाल र विमल प्रसाद ढकाल, सञ्चालक प्रबिन प्रकाश क्षेत्री तथा प्रमुख कार्यकारी अधिकृत (सीईओ) प्रवीण रमण पराजुलीले संयुक्त रूपमा पानसमा दीप प्रज्वलन गरी सम्मेलनको उद्घाटन गरेका थिए।