इरान धराशायी बन्दै गएको ट्रम्पको दाबी, आर्थिक दबाब थप कडा बनाउने चेतावनी

काठमाडौं – अमेरिकी राष्ट्रपति डोनाल्ड ट्रम्पले इरान आर्थिक, सामाजिक तथा राजनीतिक रूपमा ‘धराशायी’ बन्दै गएको दाबी गरेका छन् । अमेरिकाले तेहरानविरुद्ध नयाँ आर्थिक दबाब अभियानको तयारी गरिरहेका बेला ट्रम्पको यस्तो भनाइ सार्वजनिक भएको हो ।

ट्रम्पले सोमबार सामाजिक सञ्जाल ‘ट्रुथ सोसल’मा इरान पूर्ण रूपमा धराशायी भएको दाबी गरेका थिए । उनले आफ्नो पोस्टमा इरानको आर्थिक तथा राजनीतिक अवस्थाप्रति कडा टिप्पणी गरेका हुन् ।