इचङ्गुनारायणको अपार्टमेन्टमा राखिएका सुकुमबासीलाई पाँच दिनदेखि न खाना, न पानी

काठमाडौँ । सुकुमबासीहरू राख्नकै लागि भनेर प्रचार गरिएको काठमाडौँको नागार्जुन नगरपालिका–१, इचङ्गुनारायणस्थित अपार्टमेन्टको गेटमा गोरखापत्र दैनिकमा छापिएको सूचना टाँसिएको छ । सुकुमबासी राखिएका होल्डिङ सेन्टर र होटेलहरूमा टाँसिएका सूचनाको सार एउटै छ– असार १९ पछि होल्डिङ सेन्टर खाली गर्नू ।

कडा निगरानी र पहरा दिइएको इचङ्गुनारायणस्थित अपार्टमेन्टभित्र कसैलाई छिर्न दिइएको छैन । प्रहरी र अधिकार सम्पन्न बागमती सभ्यता एकीकृत विकास समितिका कर्मचारी बाहेक अरु कसैले यहाँ प्रवेश गर्न पाउँदैनन् ।