‘धरौटी होइन, प्रभावकारी नियमन गर’ भन्दै फेकनद्वारा मन्त्रालय र दलका नेताहरूलाई ज्ञापनपत्र

काठमाडौँ । स्वतन्त्र शैक्षिक परामर्श संघ, नेपाल (फेकन) ले शैक्षिक परामर्श व्यवसाय (कन्सल्टेन्सी) मा लगाउन लागिएको उच्च धरौटी रकमको व्यवस्थालाई निस्तेज पार्न र व्यवसायलाई मर्यादित बनाउन सरकार तथा राजनीतिक दलहरूसँग लबिङ सुरु गरेको छ।

फेकनले नीतिगत सुधार, प्रभावकारी नियमन र गुणस्तरीय व्यवस्थापनको माग राख्दै शिक्षा, विज्ञान तथा प्रविधि मन्त्रालयलगायत विभिन्न सरकारी निकाय र राजनीतिक दलका शीर्ष तहमा ज्ञापनपत्र बुझाएको हो।