पोखरामा अनलाइन जुवा खेलाउने भारतीय गिरोह प्रहरी फन्दामा

२६ असार, पोखरा । पोखराको सेदी क्षेत्रमा सफ्टवेयर कम्पनीको आवरणमा सञ्चालन भइरहेको अन्तर्राष्ट्रिय अनलाइन सट्टेबाजीको जालो नै भएको तथ्य कास्की प्रहरीले पत्ता लगाएको छ ।

क्रिकेट, फुटबल र क्यासिनो खेलमा अनलाइनमार्फत सट्टेबाजी गराउँदै आएको भारतीय नेटवर्कसँग आबद्ध आठ जनालाई पक्राउ गर्दै प्रहरीले करोडौं रुपैयाँको कारोबार भएको प्रारम्भिक प्रमाण फेला पारेको हो ।