प्रहरीले खेदाउने क्रममा पोखरीमा डुबेका किशोर मृत फेला

विराटनगर महानगरपालिका–१८ भेडियारीमा प्रहरीलाई देखेपछि गाँजा र मोटरसाइकल छाडेर भाग्ने क्रममा पोखरीमा डुबेका १७ वर्षीय मन्जितकुमार यादव मृत फेला परेका छन्।

गत बुधबार बिहान पोखरीमा हाम फालेर बेपत्ता भएका यादवको शव शुक्रबार बिहान साढे १० बजेतिर सोही पोखरीको बिच भागमा तैरिरहेको अवस्थामा फेला परेको मोरङ प्रहरीका प्रवक्ता डिएसपी मकेन्द्रकुमार मिश्रले जानकारी दिए।