सफ्टवेयर कम्पनिका लागि भन्दै घर भाडामा लिएर अनलाइन गेम संचालन

सफ्टवेयर कम्पनि संचालन गर्ने निहुँमा घर भाडामा लिएर अनलाइन गेम तथा सट्टेबाजी सञ्चालन गरेको भन्दै प्रहरीले आठजनालाई पक्राउ गरेको छ। गोप्य सूचनाका आधारमा प्रहरीले छापा मारेर उनीहरुलाई पक्राउ गरेको हो। पक्राउ परेका उनीहरुले प्रहरी पुग्दा अनलाईन गेम खेलाइरहेका थिए।

पोखरा महानगरपालिका–१८ सेदीस्थित जीवन श्रेष्ठको घरलाई भाडामा लिएर अनलाइन गेम तथा सट्टेबाजी सञ्चालन भइरहेको भन्ने गोप्य सूचनाका आधारमा प्रहरीले छापा मारेको थियो। प्रहरी टोलीले उक्त घरमा खानतलासी गर्दा अनलाइन गेम तथा सट्टेबाजी सञ्चालन गरिरहेको अवस्थामा उनीहरुलाई पक्राउ गरेको हो। प्रहरीले उक्त स्थानबाट खेल सञ्चालनमा प्रयोग भएका विभिन्न सामग्रीसमेत बरामद गरेको बताएको छ।