नेपालमा लगानी गर्न यूएई उत्सुक, कृषि, रेलवे र ‘हरित डाटा सेन्टर’ मा विशेष चासो

२६ असार, काठमाडौं । उद्योग, वाणिज्य तथा आपूर्तिमन्त्री गौरीकुमारी यादव र युनाइटेड अरब इमिरेट्स (यूएई) का वैदेशिक व्यापारमन्त्री डा. थानी बिन अहमद अल जियोडीबीच शिष्टाचार भेटवार्ता भएको छ ।

मन्त्रालयमा भएको दुई देशका मन्त्री र उच्च अधिकारीहरू सम्मिलित बैठकमा द्विपक्षीय व्यापार, लगानी विस्तार र आपसी सहकार्यका विविध आयामबारे महत्त्वपूर्ण छलफल भएको हो ।